Sakripisyo ng Mga Sabungerong OFW

SHARE:

Si Capt. Errol Lacayanga, isa sa mga sabungerong OFW Sadyang napakahirap ang magtrabaho sa ibang bansa. Una, malayo ka sa iyong pamil...

Si Capt. Errol Lacayanga, isa sa mga sabungerong OFW

Sadyang napakahirap ang magtrabaho sa ibang bansa. Una, malayo ka sa iyong pamilya. Sigurado na manananabik ka sa kanila sa araw-araw. Nais mo silang yakapin, pero ‘di mo magawa. Ang magagawa mo na lang ay kausapin sila sa pamamagitan ng pag-chat sa Facebook o tawag sa Skype o ‘di-kaya’y sa telepono. Para maibsan ang lungkot at sakit na nararamdaman, iisipin mo na lang na kaya ka nasa ibang bansa ay para mabigyan ng magandang kinabukasan ang iyong pamilya. Bukod sa iyong pamilya, siyempre nami-miss mo rin ang iyong manok pati na rin ang paborito mong tambayan-ang sabungan!

Alam naman natin na ang sabong ay ipinagbabawal sa maraming bansa partikular na sa Europe, USA at sa United Arab of Emirates. Pero mayroon tayong naririnig na ilan sa mga OFW ay sumasali sa underground derbies, mairaos lang ang kanilang hilig, Alam naman nilang lubha itong mapanganib pero ginagawa pa rin nila. Puwedeng-puwede kasi silang mahuli ng otoridad anumang oras. Wala sila sa Pilipinas kung saan ang mga nahuhuli sa tupada ay napapakawalan din agad. Eh, sa ibang bansa sigurado na mahigpit ang kanilang batas pagdating sa sabong. Kaya’t mas mabuting sumunod na lang sa batas kaysa makipagsapalaran pa at magkaroon ng malaking problema.

Kung ikaw ay isang sabungerong OFW, ano ang ginagawa mo para maibsan ang pangungulila mo sa manok? Mayroon ka rin bang mga libro, magazines at DVD’s hinggil sa sabong? At least, updated ka pa rin lagi kung ano ang bago sa sabong. Inaalam mo kung sino’ng breeder ang matunog ang pangalan at ano’ng bloodline ang pinag-uusapan ngayon. Sigurado rin na aktibo ka sa pagsali sa mga forum sa Facebook groups. Sa pamamagitan nito, maibabahagi mo ang iyong opinyon sa pagmamanok sa mga kapwa mo sabungero. Dahil dito, mararamdaman mo na ‘di ka nag-iisa. Mapalad ka kung ang mga katrabaho mo sa abroad ay kapareho mong mahilig sa manok dahil makakapag-chicken talk kayo lagi. Balita ko, marami sa mga marino ay sabungero.

Kung mayroon kang mga manok sa Pilipinas, siguradong palagi mo silang iniisip. Kaya naman lagi mong inaalam ang kanilang kalagayan sa araw-araw. Napakadali lang naman itong gawin dahil sa teknolohiya. Manghingi ka lang ng video ng manok sa taga-pag-alaga ay maipapakita ito agad sa iyo. Masayang-masaya ka kapag nalalaman mong nananalo sa derby ang iyong manok. Kahit sa loob-loob mo ay nalulungkot ka rin dahil ‘di mo nasasaksihan nang personal ang pagkakapanalo ng iyong manok. Pero salamat na lang at mayroon ng live streaming.

Hindi mo alam kung gaano ka pa magtatagal sa pagtatrabaho sa abroad. Para sa iba, ang isang taon ay katumbas na ng napakahabang panahon, Kung ikaw lang ang masusunod, gusto mong makabalik agad sa Pilipinas para makasama mo na ang iyong pamilya at mga manok. Pero kailangan mo pang magsakripisyo. Magkagayun man malayo ka man sa Pilipinas, hinding-hindi mawawala ang pagmamahal mo sa iyong pamilya at sa sport na sabong. Isa lang ang sigurado, makakabalik ka rin isang araw sa Pilipinas. Hindi para magbakasyon lang kundi dito ka na mananatili hanggang sa malagutan nang hininga. Wala pa rin kasing sasarap pa sa paninirahan sa sariling bayan kung saan malaya kang makakapagsabong!


COMMENTS

Name

Bloodlines,3,Breeding,1,Business and Livelihood,3,Derby Tips,1,Egg Handling,1,Events,6,Featured Breeders,8,Health,2,News,27,Press Release,1,Videos,6,
ltr
item
Sabong Ngayon - Sabong Online News Magazine: Sakripisyo ng Mga Sabungerong OFW
Sakripisyo ng Mga Sabungerong OFW
https://2.bp.blogspot.com/-DxHav2poe2Y/WZOug882OZI/AAAAAAAADxg/ECF4r-5R_bonF81TWjZqK8DJqOjSLXxvQCLcBGAs/s400/er.jpg
https://2.bp.blogspot.com/-DxHav2poe2Y/WZOug882OZI/AAAAAAAADxg/ECF4r-5R_bonF81TWjZqK8DJqOjSLXxvQCLcBGAs/s72-c/er.jpg
Sabong Ngayon - Sabong Online News Magazine
http://www.sabong-ngayon.com/2017/08/sakripisyo-ng-mga-sabungerong-ofw.html
http://www.sabong-ngayon.com/
http://www.sabong-ngayon.com/
http://www.sabong-ngayon.com/2017/08/sakripisyo-ng-mga-sabungerong-ofw.html
true
4436309096800781767
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy